TRABALIS Hasta

TRABALIS Hasta

apud Statium, Theb. l. 4. v. 6. de Bellona,

— dextraque trabalem

Hastam intorsit agens —

non trabs quidem, sed nec multo minor, quam quae talem nuncupationem sustinere possit. Sic clavi trabales, tormenti genus, in Vita Ferreoli et Ferrutii, Sanctis adscriptorum, Capitibus beatorum Martyrum trabales clavi ------ malleis ferreis affixi. Paulinus, Nat. 9. Felic.

Corpora transfixis trabalibus inclita clavis.

etc. Vide Cicer. 5. Verr. ubi, trabali clavô figere, Scholiastas Horatii ad l. 1. Carm. 35. ubi Cruquius palos acutos, ab ima corporis parte, usque ad summum in noxiorum corporibus adactos recte interpretatur; Nov. 3. Theodosii, ubi trabali iussione decrevimus, G. Elmenhorst. Observation. ad Arnob. adv. Gentes, l. 2. Casp. Barthium ad Statium d. l. et Hîc ubi de Hasta Bellonae, item voce Trabs.